வேப்பனப்பள்ளியில் இலவச மருத்துவ மற்றும் இரத்த தான முகாம்

கிருஷ்ணகிரி மாவட்டம் வேப்பனப்பள்ளி அருகே வனபகுதியை ஒட்டியுள்ள அலேகுந்தாணி கிராமத்தில் நடிகர் அஜித் அவர்களின் பிறந்தநாளை முன்னிட்டு அவரது ரசிகர்கள் இணைந்து இலவச இரத்ததான முகாம் மற்றும் இலவச மருத்துவ முகாமை நடத்தினர். இதில் அஜித் நற்பணி மன்றத்தின் சார்பில் அஜித் ரசிகர் மணி தலைமையில் மாருதி ரத்த வங்கி இணைந்து நடத்தி இந்த மருத்துவ முகாமில் சுற்றுவட்டார கிராம பகுதிகளில் இருந்து ஏராளமாக கிராம மக்கள் கலந்து கொண்டு மருத்துவ பரிசோதனை செய்து கொண்டனர்.

முன்னதாக அஜித் ரசிகர்கள் கிராம மக்களுடன் இணைந்து கேக் வெட்டி அஜித் பிறந்த நாளை கொண்டாடினர். மேலும் 50க்கு மேற்பட்ட இளைஞர்கள் இந்த ரத்ததான முகாமில் கலந்து கொண்டு இலவசமாக இரத்த தான செய்தனர். இவர்களுக்கு இரத்த வங்கி மூலம் பாராட்டு சான்றிதழ்கள் வழங்கப்பட்டன. இந்த நிகழ்ச்சியில் அலேகுந்தாணி அலேகிருஷ்ணபுரம், தீர்த்தம் மற்றும் சுற்றுவட்டார பகுதிகளில் ஏராளமான கிராம மக்கள் கலந்து கொண்டனர்…