தாராபுரத்தில் களமிறங்கிய குமரி கிழக்கு மாவட்ட தவெக நிர்வாகிகள்!
தாராபுரம், செப். 30
தாராபுரம் சட்டமன்ற தொகுதி இடைத்தேர்தல் அக்டோபர் 6-ஆம் தேதி நடைபெற உள்ள நிலையில், தேர்தல் பிரசாரம் தீவிரமடைந்துள்ளது. தவெக சார்பில் போட்டியிடும் சத்தியபாமாவுக்கு ஆதரவாக குமரி கிழக்கு மாவட்ட நிர்வாகிகள் தாராபுரம் தொகுதியில் களமிறங்கி தீவிர வாக்குச் சேகரிப்பில் ஈடுபட்டனர்.
குமரி கிழக்கு மாவட்ட செயலாளர் மாதவன் தலைமையில் தொழிலதிபர் பால்ராஜ் உள்ளிட்ட நிர்வாகிகள், தாராபுரம் நகராட்சிக்குட்பட்ட வார்டுகளில் வீடு வீடாகச் சென்று பொதுமக்களிடம் ஆதரவு கோரினர். மேலும், அரசின் சாதனைகள் மற்றும் தொகுதிக்கான வளர்ச்சித் திட்டங்கள் குறித்த துண்டுப் பிரசுரங்களை வழங்கி, சத்தியபாமாவுக்கு விசில் சின்னத்தில் வாக்களிக்குமாறு பிரசாரம் மேற்கொண்டனர்.
இந்த பிரசாரத்தில் மாவட்ட இளைஞரணி அமைப்பாளர் ராஜன், மாவட்ட தொண்டரணி இணை அமைப்பாளர் அசோக் செல்லம், தோவாளை மத்திய ஒன்றிய செயலாளர் விஜய், வழக்கறிஞர் அணி இணை அமைப்பாளர் சுஜய், ஆனந்த் செல்லம் உள்ளிட்ட நிர்வாகிகள் கலந்து கொண்டு தேர்தல் களப்பணியில் ஈடுபட்டனர்.
