நாகர்கோவில், மார்ச் 4 –
கன்னியாகுமரி மாவட்டத்தைச் சேர்ந்த தொழில்முறை சமூகப் பணியாளர் டாக்டர் ஹெச். டார்வின் மோசஸ்-க்கு, பெங்களூருவில் உள்ள மவுண்ட் கார்மேல் கல்லூரியில் நடைபெற்ற ப்ளூ ஃபெஸ்டிவல் மற்றும் 9ஆம் டீஃப் எக்ஸ்போ விழாவில் “கேள்வித்திறன் குறைபாடு கொண்டோரின் உட்சேர்க்கை மற்றும் அதிகாரமளித்தலுக்கான சாம்பியன் விருது” வழங்கப்பட்டது.
கேள்வித்திறன் குறைபாடு மற்றும் பேச முடியாதோரின் கல்வி, உரிமைகள் மற்றும் சமூக முன்னேற்றத்திற்காக அவர் தொடர்ந்து செய்து வரும் அர்ப்பணிப்பான சேவைகளை பாராட்டி இந்த விருது வழங்கப்பட்டது. 1300-க்கும் மேற்பட்ட கேள்வித்திறன் குறைபாடு கொண்டோர் மற்றும் பேச முடியாதோர் முன்னிலையில் அவர் இந்த விருதை பெற்றார்.
இந்த விருது மூலம் டாக்டர் ஹெச். டார்வின் மோசஸ் நம் கன்னியாகுமரி மாவட்டத்திற்கு பெருமை சேர்த்துள்ளார் என்பது குறிப்பிடத்தக்கது.
