கோவை, செப். 27 –
கோவை புரூக்ஃபீல்டு மாலில் நேச்சுரல் சிக்னேச்சர் சலூன் 866-வது புதிய கிளையாக தொடங்கப்பட்டு உள்ளது. விழாவில் சிறப்பு அழைப்பாளராக நடிகை ஹரிஜா கலந்து கொண்டு குத்து விளக்கு ஏற்றி புதிய நேச்சுரல் சிக்னேச்சர் சலூன் கடையை தொடங்கி வைத்தார். விழாவிற்கு நேச்சுரல் சலூன் நிறுவனர் குமாரவேல் தலைமை தாங்கினார். விழாவில் புரூக்ஃபீல்டு முதன்மை நிர்வாக அதிகாரி அஸ்வின் உள்பட பலர் கலந்து கொண்டனர்.
இது குறித்து நேச்சுரல் சலூன் நிறுவனர் குமாரவேல் கூறியதாவது: கோவை ப்ரூக்ஃபீல்டு மாலில் தொடங்கப்பட்டுள்ள இந்த புதிய கிளை 866-வது கிளையாகும் கொங்கு மண்டலத்தில் மட்டும் 80 கிளைகள் உள்ளன. நேச்சுரல் சலூன் வாடிக்கையாளர்களுக்கு தனது சிறந்த சேவையை வழங்கி வருகிறது இதற்கு இங்கு பணியாற்றும் ஊழியர்கள் முக்கிய பங்கு வகித்து வருகின்றனர்.
இங்கு பணியாற்றும் ஒவ்வொருவரும் வாடிக்கையாளர்கள் தான் முக்கியம் என்ற உணர்வோடு பணிபுரிந்து வருவதன் காரணமாக நேச்சுரல் சலூன் சிறந்து விளங்குகிறது. மேலும் விழாக்கால சலுகையாக வாடிக்கையாளர்களுக்கு சில்வர் கார்டு, கோல்டு கார்டு என இரண்டு சலுகை திட்டங்கள் அறிமுகப்படுத்தப்பட்டுள்ளது என்று கூறினார். இந்நிகழ்ச்சியில் புகழ் நன்றியுரை ஆற்றினார்.
