திருவண்ணாமலை, செப்.23:
திருவண்ணாமலை மாவட்ட அளவிலான முதலமைச்சர் கோப்பை விளையாட்டுப் போட்டிகளில் சண்முகா தொழிற்சாலை அரசு மேல்நிலைப்பள்ளி மாணவர்கள் சிறப்பாக விளையாடி, பல்வேறு போட்டிகளில் முதல் 3 இடங்களை பிடித்து மாநில அளவிலான போட்டிகளுக்கு தகுதி பெற்றுள்ளனர்.
கையுந்து பந்து போட்டியில் முதலிடம் பிடித்து ரூ.42 ஆயிரம் பரிசுத்தொகையுடன் மாநில போட்டிக்கு தேர்வாகினர். கிரிக்கெட் போட்டியில் இரண்டாம் இடம் பிடித்து ரூ.30 ஆயிரம் பரிசுத்தொகை பெற்றனர். கேரம் ஒற்றையர் மற்றும் இரட்டையர் பிரிவுகளில் மூன்றாம் இடமும், 800 மீட்டர் நீச்சலில் மாணவர் கிரிபிரசாந்த் இரண்டாம் இடமும், சிலம்பத்தில் மாணவர் அவினாஷ் குமார் மூன்றாம் இடமும் பிடித்து மாநிலப் போட்டிக்கு தகுதி பெற்றனர்.
மாணவர்களுக்கு பயிற்சி மற்றும் ஊக்கம் அளித்த உடற்கல்வி இயக்குனர் சவுமியா, உடற்கல்வி ஆசிரியர்கள் கணேஷ் பாபு, காமாட்சி சுந்தரம், சிவசங்கரி உள்ளிட்டோரை பெற்றோர் ஆசிரியர் கழகத் தலைவர் கு.பிச்சாண்டி, தலைமை ஆசிரியை மனோன்மணி மற்றும் ஆசிரியர்கள் பாராட்டினர்.
