தென்காசி, ஜூன் 20 –
தமிழ்நாடு முதலமைச்சரும், தமிழக வெற்றிக் கழக தலைவருமான ஜோசப் விஜயின் 52 ஆவது பிறந்தநாள் விழா ஜூன் 22ஆம் தேதி கொண்டாடப்பட உள்ளது. அவரது பிறந்தநாளை முன்னிட்டு தமிழக வெற்றி கழக தொண்டர்களும் நிர்வாகிகளும் பல்வேறு நலத்திட்ட உதவிகள் வழங்கியும், கோவில்களில் சிறப்பு வழிபாடுகளை நடத்தியும், ஏழை எளிய மக்கள் பயன்பெறும் வகையில் மருத்துவ முகாம்களை நடத்தியும் கொண்டாடி வருகின்றனர்.
அந்த வகையில் தென்காசி தமிழக வெற்றி கழகத்தின் மத்திய மாவட்ட கழகம் சார்பில் தென்காசி நடு பேட்டை பள்ளிவாசல் மண்டபத்தில் ஏழை எளிய மக்கள் பயன்பெறும் வகையில் இலவச மருத்துவ முகாம் நடைபெற்றது. இம்முகாமிற்கு தவெக நிர்வாகி ஷமீர் தலைமை தாங்கினார். முகாமினை மத்திய மாவட்ட கழக செயலாளர் ராஜ பிரகாஷ் தொடங்கி வைத்தார். இம்முகாமில் சித்த மருத்துவம், ரத்த அழுத்தம், சர்க்கரை நோய், குழந்தைகள் நலம், இருதய நோய், கண் பரிசோதனை உள்ளிட்ட பல்வேறு நோய்களுக்கு மருத்துவம் பார்க்கப்பட்டது.
காலை தொடங்கிய முகாம் தென்காசி பகுதியில் இருந்து நூற்றுக்கணக்கான ஆண்கள், பெண்கள், முதியோர்கள் என பலர் கலந்து கொண்டனர். இம்முகாமில் தமிழக வெற்றி கழக மாவட்ட பொருளாளர் மாரியப்பன், மாவட்ட செயற்குழு உறுப்பினர்கள் அராபத், ரசாக், கான், மாவட்ட துணை செயலாள் உமா, கிழக்கு நகரச் செயலாளர் சங்கரபாண்டியன், மேற்கு நகர செயலாளர் பஷீர் உட்பட ஒன்றிய நகர நிர்வாகிகள் மருத்துவர்கள் என பலர் கலந்து கொண்டனர்.
