கோவை, செப். 24 –
கோவை மாவட்டம் கோட்டை மேடு வின்சென்ட் சாலை நல்லாயன் திருமண மண்டபத்தில் 81,82 வது வார்டுக்கு உட்பட்ட பகுதியில் உங்களுடன் ஸ்டாலின் முகாம் நடைபெற்றது. இதில் சிறப்பு விருந்தினராக மாநகர் மாவட்ட செயலாளர் நா கார்த்திக், ஆணையாளர் மா சிவகுரு பிரபாகரன், மத்திய மண்டல தலைவர் மீனா லோகு ஆகியோர் குத்துவிளக்கேற்றி துவக்கி வைத்தனர்.
இம்முகாமில் நகராட்சி நிர்வாகம் மற்றும் குடிநீர் வழங்கல் துறை, வருவாய் மற்றும் பேரிடர் மேலாண்மை துறை, மருத்துவம் மற்றும் மக்கள் நல்வாழ்வுத்துறை,எரிசக்தி துறை,கூட்டுறவு உணவு மற்றும் நுகர்வோர் பாதுகாப்புத்துறை,மாற்றுத்திறனாளிகள் நலத்துறை,ஆதி திராவிடர் மற்றும் பழங்குடியினர் நலத்துறை, பிற்படுத்தப்பட்டோர் சிறுபான்மையினர் துறை, தொழிலாளர் நலன் மற்றும் திறன் மேம்பாட்டு துறை,வீட்டு வசதி மற்றும் நகர்ப்புற வளர்ச்சித்துறை, குரு சிறு மற்றும் நடுத்தர தொழில் நிறுவனங்கள் துறை,சமூக நலன் மற்றும் மகளிர் உரிமைத்துறை தகவல் தொழில்நுட்பவியல் டிஜிட்டல் சேவைகள் என 13 துறைகள் 43 சேவைகள் ஆகிய துறையில் இடம் பெற்றன.
முகாமில் கோட்டைமேடு பகுதி கழக பொறுப்பாளர் வி ஐ பதுருதீன்,82 வது வார்டு மாமன்ற உறுப்பினர் வரிவிதிப்பு மற்றும் நிதிகுழு தலைவர் வி பி முபசிரா பதுருதீன்,சமூக ஆர்வலர் பி எச் முபாரக், மின்சாரத்துறை AE அப்துல், தவசி மற்றும் அரசு அதிகாரிகள் பொதுமக்கள் ஏராளமான கலந்து கொண்டனர்.இதில் ஒரு சில மனுக்களுக்கு தீர்வு காணப்பட்டது என்பது குறிப்பிடத்தக்கது.
