குளச்சல், அக் : 14
குமரி மாவட்டம், குளச்சல் நகராட்சியில் துப்புரவுப் பணி மேற்பார்வையாளராகப் பணியாற்றி தற்போது அம்பாசமுத்திரம் நகராட்சியில் பணியாற்றி வரும் நபர்
குளச்சல் நகராட்சியில் பணியாற்றியபோது, ஓய்வுபெற்ற சக ஊழியரிடம் அவரது ஓய்வூதியப் பணமான ரூ.27 லட்சத்தைப் பெற்றுக்கொண்டு, அதற்கு வட்டி தருவதாகக் கூறியதாகத் தெரிகிறது. இதேபோல், மேலும் சிலரிடம் ரூ.5 லட்சம் பெற்றதாகவும் கூறப்படுகிறது.
ஆனால், பெற்ற பணத்துக்கு வட்டி கொடுக்காமலும், அசல் தொகையைத் திருப்பித் தராமலும் இருந்ததாகக் கூறப்படுகிறது. இதனால், பணத்தைத் திருப்பிக் கேட்ட ஓய்வு பெற்ற ஊழியரை துப்புரவு மேற்பார்வையாளர் மிரட்டியதாகவும் புகார் எழுந்தது.
இதுகுறித்து ஓய்வு பெற்ற துப்புரவு பணியாளர் அளித்த புகாரின் பேரில், குளச்சல் போலீஸார் அவர் மீது வழக்குப் பதிவு செய்து விசாரணை நடத்தி வருகின்றனர்.
