ஈரோடு அக்டோபர் – 15
ஈரோடு மாநகராட்சி மண்டலம் 2, 5-வது வார்டுக்குட்பட்ட எல்லப்பாளையம் ஸ்ரீ செல்லியம்மன் நகர், கொங்கம்பாளையம், கங்காபுரம் பகுதிகளில் சாலை, சாக்கடை மற்றும் குடிநீர் வசதிகளை ஏற்படுத்தித் தரக் கோரி, மாமன்ற உறுப்பினர் கௌசல்யா சிவக்குமார் தலைமையில் பொதுமக்கள் கண்காணிப்புப் பொறியாளர் பாக்கியலட்சுமியிடம் மனு அளித்தனர்.
ஸ்ரீ செல்லியம்மன் நகரில் சாலை, சாக்கடைப் பணிகள் எட்டு மாதங்களாகியும் முடிக்கப்படவில்லை என்றும், கொங்கம்பாளையத்தில் சாலைப் பணி பாதியில் நிற்பதுடன், குடிநீர்த் தட்டுப்பாடும் நிலவுவதாகவும் மனுவில் தெரிவிக்கப்பட்டது. இதையடுத்து, பணிகளை விரைந்து முடிக்க அதிகாரிகளுக்கு கண்காணிப்புப் பொறியாளர் உத்தரவிட்டார்.
