திருப்பூர், ஜூன் 24 –
மாஸ்கோ நகரில் விஜய் பிறந்தநாளை முன்னிட்டு தமிழக வெற்றி கழகத்தினர் 51 கிலோ கேக் வெட்டி கொண்டாடினர். மேலும், அசைவ உணவும் 2 ஆயிரம் பேருக்கு வழங்கப்பட்டது. தமிழக வெற்றிக் கழகத் தலைவரும் நடிகருமான விஜயின் 51 வது பிறந்தநாள் விழா தமிழக முழுவதும் நேற்று சிறப்பாக கொண்டாடப்பட்டது. திருப்பூர் மாவட்டத்திலும் வெகு விமரிசையாக தமிழக வெற்றி கழகத்தினர் கொண்டாடினர். இதன் ஒரு பகுதியாக திருப்பூர் தெற்கு சட்டமன்ற தொகுதிக்கு உட்பட்ட ராயபுரம் மற்றும் மாஸ்கோ நகர் 28 வது வட்ட கழகம் சார்பில் மாஸ்கோ நகர் ரவுண்டானா பகுதியில் 51 வது பிறந்த நாளை விஜய் கொண்டாடும் நிலையில் வட்ட செயலாளர் ஆர்யாஸ் கண்ணன் தலைமையில் 51 கிலோ எடை கொண்ட கேக் வெட்டப்பட்டது. மேலும் 2 ஆயிரம் பொதுமக்களுக்கு அசைவ உணவு வழங்கப்பட்டது. இதில் சிறப்பு விருந்தினராக மாவட்டச் செயலாளர் பாலமுருகன் கலந்துகொண்டு அறுசுவை உணவை பொதுமக்களுக்கு வழங்கினார். இதில் ராயபுரம் பகுதிச் செயலாளர் விஜயகுமார், வட்ட இணைச் செயலாளர் சண்முகவேல், மகளிர் அணி இணை அமைப்பாளர்கள் கௌசல்யா, கலைவாணி, பகுதி துணைச் செயலாளர் பிரின்சி எமில்டா, ராயபுரம் பகுதிச் செயலாளர் சுதர்ஷன் மற்றும் பலர் கலந்து கொண்டனர்.
