ஈரோடு ஜன 18
ஈரோடு கிழக்கு தொகுதி இடைத்தேர்தலில் திமுக சார்பில் போட்டியிடும் வேட்பாளர் சந்திரகுமாரை ஆதரித்து அமைச்சர் முத்துசாமி மாநகராட்சி 26-வது வார்டுக்கு உட்பட்ட பகுதிகளில் இன்று வீடு வீடாக சென்று ஓட்டு சேகரித்தார்.
விநாயகர் கோவில் வீதி பச்சையம்மன் கோவில் வீதி உள்பட பல்வேறு இடங்களில் அவர் ஓட்டு கேட்டார் அப்போது கருங்கல்பாளையம் வேணுகோபால் வீதியில் வசிக்கும் அதிமுக முன்னாள் எம்எல்ஏ தென்னரசு வீட்டிற்கு அமைச்சர் முத்துசாமி வேட்பாளர் சந்திர குமாருடன் சென்றார் . அப்போது அமைச்சர் முத்துசாமி தென்னரசு மற்றும் அவரது குடும்பத்தினர்களிடம் நலம் விசாரித்து அவர்களிடம் ஓட்டு சேகரித்தார்.அவர்களை தென்னரசு வரவேற்றார்.
முன்னாள் எம் எல் ஏ தென்னரசு ஏற்கனவே 2 முறை அ தி மு க எம் எல் ஏ வாக பதவி வகித்து உள்ளார். கடந்த முறை நடந்த இடைத்தேர்தலில் அதிமுக சார்பில் போட்டியிட்டு வெற்றி வாய்ப்பை இழந்தார் என்பது குறிப்பிடத்தக்கது.
