கிருஷ்ணகிரி மாவட்ட ஆட்சியர் அலுவலக கூட்டரங்கில், இந்திய தரநிர்ணய அமைவனம், பெங்களூர் கிளை நடத்தும் பொருட்களின் தரம் மற்றும் தரச்சான்றிதழ் குறித்து மாவட்ட அளவிலான அலுவலர்கள் அறிந்துக்கொள்வது தொடர்பான பயிற்சி
மாவட்ட ஆட்சித்தலைவர் .கே.எம்.சரயு, அவர்கள் தலைமையில்
நடைபெற்றது.
இந்திய தரநிர்ணய அமைவனம் முன்னாள் இயக்குநர் திரு.தாமரை செல்வன் அவர்கள் பயிற்சியில் தெரிவித்ததாவது இந்திய தரநிர்ணயம் தற்போது பொருட்களுக்கான தரத்தை முறைப்படுத்துதல், பொருட்களுக்கான ISI தரச்சான்றிதழ் வழங்குதல், ISO தரச்சான்றிதழ் வழங்குதல், ஆய்வகத்தில் பொருட்களுக்கான தரத்தை உறுதி செய்தல், தங்க நகைகளுக்கான HALL MARKING தரச்சான்றிதழ் வழங்குதல் மற்றும் தங்கத்தின் தூய்மை தன்மையை உறுதிப்படுத்துதல், வெளிநாட்டு தயாரிப்புகளுக்கான தரச்சான்றிதழ் சேவை வழங்குதல், மின்னணு மற்றும் தொழில்நுட்ப சாதனங்களுக்கான BIS தரச்சான்றிதழ்களுடன் கூடிய கட்டாய பதிவு சான்றிதழ்கள் மற்றும் BIS CARE செயலின் பயன்பாடு குறித்து பயிற்சி அளிக்கப்பட்டது.
மாவட்ட அளவிலான பொருட்கள் வாங்கும் பொழுது அரசு இ-சந்தையில் ISI தரச்சான்றிதழ் மற்றும் கட்டாய சான்றிதழ் ஆகியவை உள்ளதா என்பதை பார்த்து பொருட்கள் வாங்க வேண்டும். தற்போது 723 பொருட்களுக்கு அரசு தரப்பில் BIS கட்டாய தரச்சான்றிதழ் தேவை என்று மத்திய அரசு அறிவித்துள்ளது. வீட்டு உபயோக எரிவாயு சிலிண்டர், தலைகவசம், சிமெண்ட, குக்கர், விளையாட்டு பொம்மைகள், காலணிகள், வாகனங்களின் டயர்கள், பால் பவுடர் போன்ற பொருட்களுக்கு கட்டாய தரச்சான்றிதழ் அறிவிக்கப்பட்டுள்ளது. தரக்குறைபாடு உள்ள பொருட்கள் பற்றி புகார்களை BIS CARE செயலின் உதவியோடு எளிதில் பதிவு செய்வது குறித்த பயிற்சி அளிக்கப்பட்டது.
இந்நிகழ்ச்சியில் மாவட்ட வருவாய் அலுவலர் .அ.சாதனைக்குறள், மாவட்ட ஆட்சியரின் நேர்முக உதவியாளர் (பொது) .புஷ்பா மற்றும் துறை சார்ந்த உயர் அலுவலர்கள் கலந்துக்கொண்டனர்.
