கோவை அக்: 09
கோவை மாவட்ட ஸ்கேட்டிங் அசோசியேசன் சார்பில் மாநில அளவிலான தேர்வு போட்டிகள் நடைபெற்றது. இதில் கோவை மாவட்டத்தைச் சார்ந்த பல அணிகள் பங்கேற்றன. இந்த போட்டிகளில் 5 வயது முதல் 17 வயது வரையிலான மாணவர்கள் பங்கேற்றனர். குவாண்ட் இன் லைன் என்ற பிரிவுகள், ரிங் ரோடு லேப் ஒன்று முதல் 5 வரையிலான போட்டிகள், 1000 மீட்டர் முதல் 1500 மீட்டர் வரையிலான பல்வேறு போட்டிகளில் மாணவர்கள் கலந்து கொண்டு வெற்றி பெற்றுள்ளனர். பயிற்சியாளர்கள் சங்கர், ஸ்ருதி, கணேஷ் ஆகியோரின் வழிகாட்டுதலின் படி பொள்ளாச்சி TRSSA கிளப்பை சார்ந்த ஸ்ரீராம் முதலிடத்தையும் மற்றும் ஒரு பிரிவில் பொள்ளாச்சியைச் சார்ந்த S. தயான் அகமது முதலிடத்தையும் பெற்று சாதனை படைத்துள்ளனர். வெற்றி பெற்றதை தொடர்ந்து ஸ்கேட்டிங் ஆர்வலர்கள், பெற்றோர்கள், பொதுமக்கள், மாணவர்களை பாராட்டி வருகின்றனர்.
