பொருளாதாரத்தில் பின்தங்கியுள்ள சிறுபான்மையினர் தனிநபர் கடன்

தேனி 

தமிழ்நாடு சிறுபான்மையினர்  பொருளாதார  மேம்பாட்டுக்கழகத்தின் (TAMCO)  மூலம்  பொருளாதாரத்தில் பின்தங்கியுள்ள சிறுபான்மையினர்  தனிநபர் கடன், சுய உதவிக்குழுக் கடன்,  விராசத் (கைவினை கலைஞர் கடன் திட்டம்) மற்றும்  கல்விக்கடன்கள்  பெற  விண்ணப்பிக்கலாம்.   மாவட்ட ஆட்சித்தலைவர் தகவல்

 

தமிழ்நாடு   சிறுபான்மையினர்   பொருளாதார   மேம்பாட்டு   கழகம்  மூலம்   பொருளாதாரத்தில் பின்தங்கியுள்ள சிறுபான்மையின மக்கள் சுய தொழில் தொடங்க குறைந்த வட்டி விகிதத்தில்   தனிநபர்  கடன்,  சுய  உதவி    குழுக்களுக்கான சிறுதொழில் கடன், கைவினைகலைஞர்களுக்கு கடன், மாணவ/மாணவியர்களுக்கு  கல்வி  கடன்   திட்டம்  ஆகிய கடன்   திட்டங்கள்   செயல்படுத்தப்பட்டு வருகிறது.

          அதனடிப்படையில்,    தனிநபர் கடன் திட்டம் -1 இல்,  ஆண்கள் மற்றும் பெண்களுக்கு 6% வட்டி விகிதத்தில்     ரூ.20,00,000/-வரை கடன் பெறுவதற்கு குடும்ப ஆண்டு வருமானம் கிராமம்/நகர்புறங்களில்     ரூ.3,00,000/- மிகாமல் இருக்க வேண்டும்.  திட்டம் -2 இல் ஆண்களுக்கு 8% வட்டிவிகிதத்திலும்,  பெண்களுக்கு        6%  வட்டி  விகிதத்திலும்  அதிகபட்சமாக ரூ.30,00,000/- வரை கடன் பெறுவதற்கு குடும்ப ஆண்டு வருமானம் ரூ.8,00,000/-க்கு  மிகாமல் இருத்தல் வேண்டும்.

            கைவினை கலைஞர்கள் கடன் திட்டம் -1 இல் ஆண்களுக்கு 5% வட்டி விகிதத்திலும்,  பெண்களுக்கு 4% வட்டி விகிதத்திலும்  அதிகபட்சமாக ரூ.10,00,000/- வரை கடன் பெறுவதற்கு குடும்ப ஆண்டு வருமானம் கிராமம்/நகர்புறங்களில்  ரூ.3,00,000/- மிகாமல் இருக்க வேண்டும். திட்டம் -2 இல் ஆண்களுக்கு 6%, பெண்களுக்கு 5% வட்டி விகிதத்தில் அதிகபட்சமாக ரூ.10,00,000/- வரை கடன் பெறுவதற்கு குடும்ப ஆண்டு வருமானம் ரூ.8,00,000/-க்கு  மிகாமல் இருத்தல் வேண்டும்.

            சுய  உதவி  குழுக்களுக்கான சிறுதொழில் கடன் திட்டம் -1 இல் ஆண்கள்/பெண்களுக்கு   7% வட்டி விகிதத்தில் ரு.1,00,000/- வரை கடன் பெற குடும்ப ஆண்டு வருமானம் ரூ.3,00,000/- மிகாமல் இருக்க வேண்டும். திட்டம் -2 இல் ஆண்களுக்கு 10%, பெண்களுக்கு 8% வட்டி விகிதத்தில் அதிகபட்சமாக ரூ.1,50,000/- வரை கடன் பெறுவதற்கு குடும்ப ஆண்டு வருமானம் ரூ.8,00,000/-க்கு  மிகாமல் இருத்தல் வேண்டும்.

 

மேலும் அரசால் அங்கீகரிக்கப்பட்ட கல்வி நிலையங்களில் தொழிற்கல்வி/வேலை வாய்ப்பு பட்டப்படிப்பு பயிலும் சிறுபான்மையின மாணவ மாணவிகளுக்கு திட்டம் -1 இல் 3% வட்டி விகிதத்தில் ரூ.20,00,000/-(ஆண்டிற்கு 4 இலட்சம் வீதம்) வரையும், வெளிநாடுகளில் தொழிற்கல்வி / வேலைவாய்ப்பு பட்டப்படிப்புகள் பயில்பவர்களுக்கு ரூ.30,00,000/-(ஆண்டிற்கு 6 இலட்சம் வீதம்) வரையும், கடனுதவி             பெற  ஆண்டு வருமானம் ரூ.3,00,000/- மிகாமல் இருக்க வேண்டும். 

திட்டம் -2 இல் தொழிற்கல்வி/வேலை வாய்ப்பு பட்டப்படிப்பு பயிலும்  மாணவர்களுக்கு 8% , மாணவிகளுக்கு 5%, வட்டி விகிதத்தில் ரூ.20,00,000/- ( ஆண்டிற்கு 4 இலட்சம் வீதம் 5 ஆண்டுகள்) வரை, வெளிநாடுகளில் தொழிற்கல்வி/வேலை வாய்ப்பு பட்டப்படிப்பு பயில்பவர்களுக்கு ரூ.30,00,000/-(ஆண்டிற்கு 6 இலட்சம் வீதம் 5 ஆண்டுகள் ) வரை, கடனுதவி பெற  ஆண்டு வருமானம் ரூ.8,00,000/-க்கு  மிகாமல் இருத்தல் வேண்டும்.

எனவே, தேனி மாவட்டத்திலுள்ள கிறித்தவர்கள், இஸ்லாமியர்கள், புத்த மதத்தினர், சீக்கியர்கள், பார்சியர்கள் மற்றும் ஜெயின்  ஆகிய மதங்களைச் சார்ந்த  சிறுபான்மையின மக்கள் கடன் விண்ணப்பங்களை மாவட்ட ஆட்சியர் அலுவலக வளாகத்திலுள்ள மாவட்ட பிற்படுத்தப்பட்டோர்  நல அலுவலகம்  மாவட்ட  சிறுபான்மையினர் அலுவலகம், மண்டல கூட்டுறவுச் சங்கங்களின் இணைப்பதிவாளர் அலுவலகம், மாவட்ட  மத்திய கூட்டுறவு வங்கி அல்லது அதன் கிளைகள் அல்லது நகர் கூட்டுறவு வங்கி அல்லது தொடக்க வேளாண்மை கூட்டுறவு வங்கி அலுவலகங்களில் பெற்றுக்கொள்ளலாம்.

தனிநபர் கடன் திட்டம், சுய உதவி குழுக் கடன், விராசத் (கைவினை கலைஞர் கடன் திட்டம்)  ஆகிய  கடன் திட்டங்களில் விண்ணப்பிக்க  1. சிறுபான்மையினர் மதச்சாதிசான்று. 2.சாதிசான்றிதழ். 3. வருமானச்சான்றிதழ். 4. உணவு பங்கீடு அட்டை அல்லது இருப்பிட சான்றிதழ். 5.ஆதார் அட்டை. 6. திட்ட அறிக்கை உள்ளிட்ட ஆவணங்களையும், 

கல்விக்கடன் திட்டத்தில் விண்ணப்பிக்க 1.சிறுபான்மையினர் மதச்சான்றிதழ்/சாதிச் சான்றிதழ்/வருமான சான்றிதழ் நகல் /இருப்பிட சன்றிதழ் நகல். 2. குடும்ப அட்டை/ வாழ்விட சான்று (Smart Card). 3. ஆதார் அட்டை நகல். 4. பள்ளி மாற்று சான்றிதழ் நகல். 5. உண்மைச் சான்றிதழ் (Bonafide Certificate) அசல் 6. கல்வி கட்டணங்கள் செலுத்திய இரசீது அசல் (Original) 7. மதிப்பெண் சான்றிதழ்நகல். 8. வங்கி கோரும் இதர  ஆவணங்களுடன் விண்ணப்பித்து பயன்பெறலாம் என மாவட்ட ஆட்சித்தலைவர் .ரஞ்ஜீத் சிங், தெரிவித்துள்ளார்