மதுரை நவம்பர் 25,
மதுரை மாநகராட்சியை தூய்மையாக்க கருத்து மற்றும் ஆலோசனையை 15 தினங்களுக்குள் ஆணையாளரிடம் தெரிவிக்கலாம்
மதுரை மாநகராட்சிக்கு உட்பட்ட 100 வார்டு பகுதிகளில் திறந்தவெளி கழிப்பிடம் இல்லை என்று அறிவிக்கப்பட உள்ளது. இது தொடர்பாக ஆலோசனை மற்றும் கருத்துகளை பொதுமக்கள் தெரிவிக்கலாம். மதுரை மாநகராட்சியை தூய்மையான சுத்தமான மாநகராட்சியாக மாற்றுவதற்காக பல்வேறு நடவடிக்கைகள் மேற்கொள்ளப்பட்டு வருகிறது. அதன் ஒரு பகுதியாக மதுரை மாநகராட்சி ஐந்து மண்டலங்களில் உள்ள 100 வார்டு பகுதிகளில் தனிநபர் சமுதாய கழிப்பிடம் மற்றும் பொது கழிப்பறைகள் மட்டுமே பயன்படுத்துவதற்கு விழிப்புணர்வு ஏற்படுத்தப்பட்டு அனைத்து வீடுகளிலும் கழிப்பறைகள் மட்டுமே பயன்படுத்திடவும், பொது இடங்களில் மலம் கழித்தல் கூடாது என உரிய விதிகளின் கீழ் நடவடிக்கை மேற்கொள்ளப்பட்டு சரிசெய்யப்பட்டு உள்ளது. மதுரை மாநகராட்சி பகுதி திறந்தவெளி மலம் கழிப்போர் இல்லாத பகுதியாக 15 தினங்களுக்குள் மதுரை மாநகராட்சியின் சார்பில் அறிவிக்கப்பட உள்ளது. எனவே பொதுமக்கள் இது தொடர்பாக தங்களது கருத்துகள் மற்றும் ஆலோசனைகள் ஏதேனும் இருப்பின் ஆணையாளர், மதுரை மாநகராட்சி, அறிஞர் அண்ணா மாளிகை, தல்லாகுளம், மதுரை என்ற முகவரிக்கு கடிதம் மூலமாக தெரிவிக்கலாம் என மதுரை மாநகராட்சி அறிக்கையில் தெரிவிக்கப்பட்டுள்ளது.
