ஜெயலலிதா நினைவிடத்தில் மலர் வளையம் வைத்துமரியாதை

சென்னை, செப்டம்பர், 10,

தமிழகத்தில் ஆட்சி மாற்றம் ஏற்பட வேண்டும் என்ற நோக்கில் மாநாடு நடைபெறுவதையொட்டி தமிழ் மாநில முஸ்லீம் லீக் கட்சியின்  தலைவர் ஷேக் தாவூத் மற்றும் மாநில ஒருங்கிணைப்பாளர்  கோவை சாகுல் ஹமீது ஆகியோர்  தலைமையில்

மறைந்த முன்னாள் முதல்வர்கள் எம்ஜிஆர் , ஜெயலலிதா ஆகியோரின் நினைவிடத்திற்கு சென்று  மலர் வளையம் வைத்து மலர் தூவி மரியாதை செலுத்தி வணங்கினர்.

அப்போது செய்தியாளர்களிடம் தலைவர் ஷேக் தாவூத் தெரிவித்ததாவது:-

  ஒன்றே குலம் ஒருவனே தேவன் என்ற கோட்பாட்டின் படி தமிழக மக்களின் அன்பை பெற்று ஆட்சி செய்த எம்.ஜி.ஆர், ஜெயலலிதா ஆசியோடு    மாநாடு நடத்த திட்டமிட்டுள்ளோம்.  சாதி, மத பேதமின்றி அனைவரும் பங்குபெறும் வகையில் நடக்கும் இம்மாநாட்டிற்கு 2 லட்சத்திற்கும் அதிகமானோர் பங்கு பெறுவார்கள் என்று எதிர்பார்க்கிறோம் என்றார்.

மேலும் இந்நிகழ்ச்சியில் மாநில அமைப்பு செயலாளர் எஸ். ஏ .முகமது மஸ்தான்,  ஜாகிர் உசேன், ஆர்.மனோஜ், எஸ். தாவுத் கான்,தனகோபி ,பிரகாஷ் கவியரசு, சுப்பிரமணி ஆகியோர் உடனிருந்தனர்.