ராமநாதபுரம், மே 12
தமிழகத்தில் நாடு போற்றும் நான்காண்டு திமுக அரசின் சாதனை விளக்கப் பொதுக்கூட்டம் ராமநாதபுரம் வடக்கு நகர் திமுக சார்பில் நடந்தது. ராமநாதபுரம் புதிய பஸ் ஸ்டாண்ட் அருகில் நடந்த திமுக அரசு நான்காண்டு சாதனை விளக்கப் பொதுக்கூட்டம் வடக்கு நகர் செயலாளர் நகராட்சி சேர்மன் கார்மேகம் தலைமையில் நடைபெற்றது.
தெற்கு நகர் செயலாளர் நகராட்சி துணை சேர்மன் பிரவீன் தங்கம், வடக்கு நகர் அவைத்தலைவர் சைபுதீன் முன்னிலை வகித்தனர். வடக்கு நகர் இளைஞரணி துணை அமைப்பாளர் மகேந்திரன் வரவேற்றார். ராமநாதபுரம் மாவட்ட திமுக செயலாளர் சட்டமன்ற உறுப்பினர் காதர் பாட்ஷா முத்துராமலிங்கம் சிறப்புரை ஆற்றினார். தலைமை செயற்குழு உறுப்பினர் அஹமது தம்பி, தலைமை கழக பேச்சாளர்கள் கணேசன், சந்தானலட்சுமி ஆகியோர் தமிழக அரசின் நலத்திட்ட சாதனைகள் முதலமைச்சர் மற்றும் துணை முதல்வர் மக்கள் நலன் காக்க கொண்டு வந்த அரிய பல சாதனைகள் திட்டங்கள் குறித்து பேசினர்.
ஒன்றிய செயலர்கள் பிரபாகரன் (ராமநாதபுரம்), முத்துக்குமார் (மண்டபம்), மாவட்ட இளைஞரணி அமைப்பாளர் சம்பத் ராஜா, மாவட்ட சுற்றுச்சூழல் அணி அமைப்பாளர் முஹமது சலாவுதீன், கவுன்சிலர் காயத்ரி, ஹஜ் கமிட்டி உறுப்பினர் முஹமது ஜஹாங்கீர், துணை முதல்வர் உதயநிதி ஸ்டாலின் நற்பணி மன்ற மாவட்டத்தலைவர் கார்த்திக், மாவட்ட மாணவரணி துணை அமைப்பாளர் பிரதீப் பழனிவேல் உள்பட பலர் பங்கேற்றனர்.
