கோவை, செப். 28:
கவுண்டம்பாளையம் சட்டமன்ற உறுப்பினர் கனிமொழி சந்தோஷ் சார்பில், கோவை வடமதுரை ஸ்ரீ கிருஷ்ணா திருமண மண்டபத்தில் 100-க்கும் மேற்பட்ட கர்ப்பிணி பெண்கள் பங்கேற்ற சமுதாய வளைகாப்பு விழா நடைபெற்றது.
நிகழ்ச்சியில் கர்ப்பிணி பெண்களுக்கு பாரம்பரிய முறைப்படி வளைகாப்பு நடத்தப்பட்டதுடன், அவர்களின் நலனை முன்னிறுத்தி பல்வேறு சிறப்பு ஏற்பாடுகளும் செய்யப்பட்டிருந்தன. கர்ப்பிணி பெண்கள் மற்றும் அவர்களது குடும்பத்தினர் கலந்து கொண்டனர்.
விழாவில் பேசிய எம்.எல்.ஏ. கனிமொழி சந்தோஷ், கர்ப்ப காலத்தில் பெண்களின் உடல் ஆரோக்கியத்துடன் மன ஆரோக்கியத்திற்கும் முக்கியத்துவம் அளிக்க வேண்டும் என்றும், குடும்பத்தினர் அவர்களுக்கு மன அழுத்தமில்லாத மகிழ்ச்சியான சூழலை ஏற்படுத்தித் தர வேண்டும் என்றும் வலியுறுத்தினார்.
மேலும், பெண்களுக்கு முன்னுரிமை அளித்து சமூகத்தின் அனைத்து தரப்பினருக்கும் நலத்திட்டங்கள் சென்றடைய வேண்டும் என்ற நோக்கில் தமிழக அரசு செயல்பட்டு வருவதாகவும், “அனைத்தும் அனைவருக்கும்” என்ற வகையில் மக்கள் நலனை முன்னிறுத்தி முதலமைச்சர் விஜய் உழைத்து வருவதாகவும் அவர் தெரிவித்தார். தவெக அரசும், முதலமைச்சர் விஜயும் கர்ப்பிணி பெண்களுக்கு எப்போதும் துணை நிற்பார்கள் என்ற நம்பிக்கையையும் அவர் தெரிவித்தார்.
