தூத்துக்குடி புத்தகக் கண்காட்சி நிறைவு

தூத்துக்குடி, செப்.08.

‘தி சென்னை சில்க்ஸ்’ மற்றும் தமிழ்நாடு புத்தக விற்பனையாளர்கள் சங்கம் இணைந்து நடத்திய தூத்துக்குடி புத்தகக் கண்காட்சி 2026, வாசகர்களின் பெரும் வரவேற்புடன் நிறைவடைந்தது. ஆகஸ்ட் 27 முதல் செப்டம்பர் 6-ஆம் தேதி வரை சென்னை சில்க்ஸ் வளாகத்தில் நடைபெற்ற இக்கண்காட்சியில் தினமும் காலை 10 மணி முதல் இரவு 9 மணி வரை பொதுமக்கள் பங்கேற்றனர்.

பள்ளி மாணவர்களிடையே வாசிப்பு ஆர்வம், சிந்தனைத் திறன் மற்றும் படைப்பாற்றலை வளர்க்கும் வகையில் நாள்தோறும் பல்வேறு அறிவுசார் போட்டிகள் நடத்தப்பட்டன. இதில் தூத்துக்குடி சுற்றுவட்டாரத்தைச் சேர்ந்த நூற்றுக்கணக்கான மாணவ-மாணவிகள் ஆர்வத்துடன் பங்கேற்று தங்கள் திறமைகளை வெளிப்படுத்தினர்.

நிறைவு விழாவில் பரிசளிப்பு

கண்காட்சியின் நிறைவு நாளில் நடைபெற்ற பரிசளிப்பு விழாவில் தமிழக மீன்வளம் மற்றும் மீனவர் நலத்துறை அமைச்சர் ஏ. ஸ்ரீநாத் சிறப்பு அழைப்பாளராகக் கலந்து கொண்டு, போட்டிகளில் வெற்றி பெற்ற மாணவ-மாணவிகளுக்கு கோப்பைகள், சான்றிதழ்கள் மற்றும் பரிசுகளை வழங்கிப் பாராட்டினார்.

விழாவில் தி சென்னை சில்க்ஸ் தூத்துக்குடி பொது மேலாளர் ரமேஷ் குமார், மேலாளர் பாண்டி, கிளை மேலாளர் செல்வம், தமிழக வெற்றிக் கழக மாவட்ட நிர்வாகி கிஷோர், தமிழ்நாடு புத்தக விற்பனையாளர்கள் சங்கத் தலைவர் ரவிவர்மா உள்ளிட்டோர் முன்னிலை வகித்தனர். தி சென்னை சில்க்ஸ் ஊழியர்கள், புத்தக விற்பனையாளர்கள் சங்கப் பிரதிநிதிகள், மாணவ-மாணவிகள் மற்றும் பெற்றோர்கள் திரளாகக் கலந்து கொண்டனர்.

தூத்துக்குடி மக்களிடையே வாசிப்புப் பழக்கத்தை மேம்படுத்துவதுடன், இளம் தலைமுறையினரின் இலக்கியம் மற்றும் கலை மீதான ஆர்வத்தை வளர்க்கும் வகையில் புத்தகக் கண்காட்சி அமைந்ததாக பொதுமக்கள் பாராட்டு தெரிவித்தனர்.

Meta Description: