கோவை, அக்டோபர் 31 –
கோவை பார்க் பொறியியல் கல்லூரியில் ஒரு நாள் மாநாடு நடைபெற்றது. இதில் 6-ம் வகுப்பு முதல் முதல் 12-ம் வகுப்பு வரை உள்ள மாணவர்கள் தங்கள் சிந்தனை திறன், புதிய படைப்பாற்றல் திறமைகள் மற்றும் எண்ணங்களை வெளிப்படுத்தும் தனித்துவமான படைப்புகளை காட்சிப்படுத்தி இருந்தனர்.
இக்கண்காட்சி மாணவர்கள் தம்முடைய எதிர்காலத்திற்குப் பெரும் முக்கியத்துவம் வாய்ந்த துறைகளில் புதியவற்றை ஆராய்ந்து, வடிவமைத்து, உருவாக்க மாணவர்களை ஊக்குவிக்கிறது.இந்தப் போட்டிகளில் வெற்றி பெறும் மாணவர்களுக்கு ரூபாய் 1 லட்சம் மதிப்புள்ள பரிசுகள் வழங்கப்பட்டது. மேலும் மிகவும் சிறப்பான புதிய கண்டுபிடிப்பை அறிமுகப்படுத்திய ஒரு மாணவன் மற்றும் ஒரு மாணவிக்கு க்யூசாட் நிறுவனம் (முன்னணி விண்வெளி கல்வி நிறுவனம்),இஸ்ரோ சென்று வருவதற்கான வாய்ப்பினையும் வழங்கியது.இக்கல்லூரி இயக்குனர் டாக்டர். எம்.பிரின்ஸ் அனைவரையும் வரவேற்றார்.
பார்க் கல்வி குழுமங்களின் தலைமை செயல் அதிகாரி டாக்டர். அனுஷா ரவி சிறப்புரையாற்றினார். தலைவர் டாக்டர். பி.வி.ரவி தலைமையுரையாற்றினார். நாடு முழுவதும் இருந்து சுமார் 80 பள்ளிகளிலிருந்து சுமார் 600 பள்ளி மாணவ மாணவிகள் பங்கேற்றனர். இன்றைய நிகழ்வற்கு சிறப்பு விருந்தினராக பிரபல விஞ்ஞானி நம்பி நாராயணன் கலந்து கொண்டு வெற்றி பெற்றவர்களுக்கு பரிசுகளை வழங்கினார். முன்னதாக பார்க் கல்வி குழுமங்களின் ஏரோநாட்டிக்கல் பயிலும் மாணவர்கள் கண்டுபிடித்த ஒரு செயற்கைக்கோள் சோதனை முயற்சியாக 1 கிலோமீட்டர் உயரத்திற்கு சிறப்பு விருந்தினர் டாக்டர். நம்பினாராயணன் முன்னிலையில் சோதனை முயற்சியாக பறக்க விடப்பட்டது.
இது குறித்து சிறப்பு விருந்தினர் பேசுகையில்,அப்துல் கலாம் அவர்களுடன் இணைந்து பணியாற்றிய அனுபவம் எனக்கு மறக்க முடியாத பெருமை.தற்போது இஸ்ரோவில் பயன்படுத்தப்படும் பல ராக்கெட்டுகள் ‘விகாஸ் என்ஜின்’ மூலம் இயங்குகின்றன; அதை உருவாக்கியதில் பங்காற்றியதில் நான் பெருமைப்படுகிறேன்,என அவர் நினைவு கூர்ந்தார்.உங்களுக்குப் பிடித்த துறையைத்தான் தேர்ந்தெடுத்து அதில் முழு மனசார உழையுங்கள். விருப்பமில்லாத துறையில் சென்றால் முன்னேற்றம் இருக்காது.
ஆர்வமுள்ள துறையில் விடாமுயற்சி காட்டினால்,உங்கள் வளர்ச்சியும் நாட்டின் முன்னேற்றமும் ஒன்றாக உயர்ந்திடும்,” என வலியுறுத்தினார். நிகழ்ச்சியில் ஆசிரியர்கள், மாணவர்கள் மற்றும் பெற்றோர் பலர் பங்கேற்று கண்காட்சியை ஆர்வத்துடன் பார்வையிட்டனர்.
