தென் தாமரைக்குளம், பிப். 24 –
முன்னாள் முதல்வர் ஜெயலலிதாவின் 78 வது பிறந்த நாளை முன்னிட்டு சாமி தோப்பில் ஜெயலலிதா படத்திற்கு தளவாய்சுந்தரம் எம்எல்ஏ மலர் தூவி மரியாதை செலுத்தினார். நிகழ்ச்சியில் மாவட்ட மாணவரணி தலைவர் வக்கீல் பார்த்தசாரதி தலைமை வகித்தார். திரைப்பட இயக்குனர் அன்பழகன், முன்னாள் ஊராட்சி தலைவர் மதிவாணன் ஆகியோர் முன்னிலை வகித்தார்.
சிறப்பு விருந்தினராக கலந்து கொண்ட கன்னியாகுமரி எம்எல்ஏ தளவாய் சுந்தரம் மலர் தூவி மரியாதை செலுத்தி பொதுமக்கள் கட்சி தொண்டர்களுக்கு இனிப்பு வழங்கினார். நிகழ்ச்சியில் சாமி தோப்பு அய்யா வைகுண்டசாமி தலைமை பதி நிர்வாகி சாமி, அகஸ்தீஸ்வரம் ஒன்றிய செயலாளர் தாமரை தினேஷ், பொருளாளர் தங்கவேல், வக்கீல் ராஜேஷ், பாஜக ஒன்றிய முன்னாள் கவுன்சிலர் ராம்குமார் உள்ளிட்ட பலர் கலந்து கொண்டனர்.
