சென்னை, பிப்ரவரி 12 –
லக்கேஜ் மற்றும் பேக்பேக் (backpack) ரகங்களுக்கு புகழ்பெற்ற, மற்றும் இளைஞர்களின் விருப்ப பிராண்டான ஸ்கைபேக்ஸ், அதன் வாடிக்கையாளர்களுக்கு பயணங்களில் ஸ்டைலாக எடுத்து செல்லும் பைகளை வழங்கும் நோக்கில் ஒரு அற்புதமான கூட்டணியில் இணைந்துள்ளது.
வரவிருக்கும் 2026 ஐபிஎல் சீசனுக்கான சென்னை சூப்பர் கிங்ஸ் அணியின் அதிகாரப்பூர்வ லக்கேஜ் பார்ட்னராக சேர்ந்து, அதன் தயாரிப்புகளில் புதிய ரகங்களை இன்று அறிமுகப்படுத்தியுள்ளது.
இன்றைய அதிகம் பயணிக்கும் நுகர்வோரின் வளர்ந்து வரும் தேவைகளைப் பூர்த்தி செய்யும் அதே நேரத்தில், சி.எஸ்.கே. அணியின் அசல் அடையாளத்தை பிரதிபலிக்கும் வகையிலும் இந்த புதிய ரகங்கள் வடிவமைக்கப்பட்டுள்ளன. 2026-ஐ.பி .எல் சீசன் முழுவதும் சி.எஸ்.கேவின் ரசிகர்களுடனான செயல்பாடுகள் அனைத்திலும் “ஸ்கை பேக்ஸ் ” பிராண்ட் நெருக்கமாக ஒருங்கிணைக்கப்படுவதை இந்த கூட்டணி உறுதி செய்யும். அதே நேரத்தில் கிரிக்கெட் லீக் முடிந்த பிறகும் இந்தியாவில் உள்ள ரீடெயில் விற்பனை நிலையங்களில் இந்த புதிய அதிகாரப்பூர்வ கோ-பிராண்டட் தயாரிப்புகள் தொடர்ந்து கிடைக்கும். லக்கேஜ் பேக்ஸ் நுகர்வோருக்கு ரூ .4590/- என்ற ஆரம்ப விலையில் துவங்குகிறது; அதே நேரத்தில் இந்திய நுகர்வோருக்கு ரூ. 1999/- என்கிற ஆரம்ப விலையில் பேக்பேக்குகள் கிடைக்கும்.
இந்த கூட்டணி குறித்து பேசிய விஐபி இண்டஸ்ட்ரீஸ் லிமிடெட் நிறுவனத்தின் நிர்வாக இயக்குனர் மற்றும் தலைமை செயல் அலுவலர் அதுல் ஜெயின் கூறுகையில், “கிரிக்கெட் என்பது இந்தியாவின் கலாச்சார கட்டமைப்பில் ஆழமாக பிணைக்கப்பட்டுள்ளது. 2026-ஆம் ஆண்டிற்கான சென்னை சூப்பர் கிங்ஸ் அணியின் அதிகாரப்பூர்வ லக்கேஜ் பார்ட்னராக ஸ்கைபேக்ஸ் (Skybags) இணைந்துள்ளது. ஸ்கைபேக்ஸ் சி.எஸ்.கே அணி மற்றும் அவர்களின் ரசிகர்களுக்கு ஸ்பெஷலான லக்கேஜ் மற்றும் பேக்பேக்ஸை வெளியிட்டுள்ளது.
இந்த கூட்டணியானது ஸ்கைபேக்ஸ் எதிர்காலத்தில் மேற்கொள்ளவுள்ள பல அர்த்தமுள்ள விளையாட்டு சார்ந்த கூட்டணிகளின் ஒரு துவக்கமாக இருக்கும்,” என்று தெரிவித்தார். சிஎஸ்கே அணியின் நிர்வாக இயக்குநரும் தலைமை செயல் அலுவலருமான கே.எஸ்.விஸ்வநாதன் உடனிருந்தார்.
