விளாத்திகுளம், ஆகஸ்ட் 29 –
தூத்துக்குடி மாவட்டம் விளாத்திகுளம் ஊராட்சி ஒன்றியம், ஜமீன்கரிசல்குளம் நாடார் உயர்நிலைப்பள்ளியில் அயன்பொம்மையாபுரம், ஜமீன்கரிசல்குளம் கிராமத்தைச் சேர்ந்த பொதுமக்கள் பயன்பெறும் வகையில் நடைபெற்ற உங்களுடன் ஸ்டாலின் சிறப்பு முகாமில் வழங்கப்படும் சேவைகள் குறித்து விளாத்திகுளம் சட்டமன்ற உறுப்பினர் மார்கண்டேயன் பார்வையிட்டு கர்ப்பிணி பெண்களுக்கு ஊட்டச்சத்து பெட்டகம் மற்றும் தோட்டக்கலைத் துறை சார்பாக மாடித்தோட்டம் தொகுப்பு, வேளாண்மை துறை சார்பில் விவசாயிகளுக்கு விதைகளும் வழங்கி உரையாற்றினார்.
இந்நிகழ்வில் விளாத்திகுளம் வட்டார வளர்ச்சி அலுவலர்கள் ரஞ்சித், தங்கவேல், விளாத்திகுளம் சமூகப் பாதுகாப்பு திட்டம் வட்டாட்சியர் விமலா, விளாத்திகுளம் ஒன்றிய செயலாளர்கள் ராமசுப்பு, அன்புராஜன், இம்மானுவேல், கிளைச் செயலாளர்கள் உட்பட துறை சார்ந்த அதிகாரிகள், பொதுமக்கள் கலந்து கொண்டனர்.
