மதுரை, ஆகஸ்ட் 22 –
மதுரை வில்லாபுரம் வீட்டு வசதி வாரிய குடியிருப்பு பகுதியில் வார்டு எண் 84 ல் “உங்களுடன் ஸ்டாலின்” திட்டத்தின் சிறப்பு முகாம் தனியார் திருமண மகாலில் நடைபெற்றது.
விழாவில் மதுரை மாநகராட்சி மேயர் இந்திராணி பொன்வசந்த், துணை மேயர் நாகராஜன், காவல் உதவி ஆணையர் ராமகிருஷ்ணன் மற்றும் காவல்துறையினர், மதுரை மாநகராட்சி அலுவலர்கள், வருவாய்த்துறை மற்றும் சுகாதாரத்துறை, சத்துணவு, மின்வாரியம், ஆதார் உள்ளிட்ட அனைத்து துறை அதிகாரிகள் கலந்து கொண்டனர்.
மேலும் மகளிருக்கான கலைஞர் மகளிர் உரிமைத்தொகை திட்ட விண்ணப்பங்கள் வழங்கப்பட்டது. உங்களுடன் ஸ்டாலின் சிறப்பு முகாமில் 84-வது வார்டு மாமன்ற உறுப்பினர் போஸ் முத்தையா, வட்ட செயலாளர் பாலா உள்ளிட்டோர் இந்த முகாமிற்கான ஏற்பாடுகளை செய்திருந்தனர்.
