ஊத்தங்கரை, ஆக. 21 –
வருவாய் மாவட்ட அளவிலான பாரதியார் தின மற்றும் குடியரசு தின விளையாட்டு போட்டிகள் கிருஷ்ணகிரி SDAT மைதானத்தில் 19.08.2025 மற்றும் 20.08.2025 ஆகிய இரண்டு நாட்கள் நடைபெற்றது. இதில் சரக அளவிலான போட்டியில் வெற்றி பெற்று மாவட்ட அளவிலான தடகள போட்டியில் அதியமான் மெட்ரிக் மேல்நிலைப்பள்ளி மாணவ, மாணவிகள் கலந்து கொண்டு வெற்றி பெற்று சாதனை படைத்தனர்.
14 வயதிற்குட்பட்ட குண்டு எறிதல் மற்றும் நீளம் தாண்டுதல் போட்டியில் ஸ்ரீதர்ஷன் முதலிடம் பிடித்து தங்கப்பதக்கம் வென்றார். 14 வயதிற்குட்பட்ட தொடர் ஓட்ட போட்டியில் (4X 100) ஆகாஷ். கிஷோர், தீக்சித்யாகம் மற்றும் ஸ்ரீதர்ஷன் ஆகியோர் முதலிடம் பிடித்து தங்கப்பதக்கம் வென்றனர். 14 வயதிற்குட்பட்ட மாணவருக்கான 600 மீட்டர் தட்கள் போட்டியில் ரா. ஆகாஷ் மூன்றாமிடம் பிடித்து வெண்கலப்பதக்கம் வென்றனர். 17 வயதிற்குட்பட்ட தொடர் ஓட்ட போட்டியில் (4 X 100) கணேஷ்குமார், பிரித்திவ்ராஜ், நரேஷ் மற்றும் ரித்திஷ் இரண்டாமிடம் பிடித்து வெள்ளி பதக்கம் பெற்றனர். உயரம் தாண்டுதல் போட்டியில் கிஷோர் இரண்டாமிடமும் தீக்சித்யாகவ் மூன்றாமிடமும் பிடித்து முறையே வெள்ளி மற்றும் வெண்கலப்பதக்கம் பெற்றனர்.
சிலம்பம் போட்டியில் மவுரிஷ் முதலிடம் பிடித்து தங்கப்பதக்கம் வென்றார். மாணவிகள் பிரிவில் சத்தியபிரியா குண்டு எறிதல் போட்டியில் மூன்றாமிடம் பிடித்து வெண்கல பதக்கம் பெற்றார். வெற்றி பெற்ற மாணவ மாணவிகள் மாநில அளவிலான விளையாட்டு போட்டிற்க்கு தகுதிபெற்றனர். வெற்றி பெற்ற மாணவ, மாணவிகளையும் பயிற்சியளித்த உடற்கல்வி ஆசிரியர்களையும் அதியமான் கல்வி நிறுவனங்களின் நிறுவனர் முனைவர் சீனி.திருமால்முருகன், செயலர் முனைவர் ஷோபா திருமால்முருகன், நிர்வாக அலுவலர் சீனி.கணபதிராமன், பள்ளியின் முதல்வர் சீனி.கலைமணிசரவணகுமார் மற்றும் ஆசிரியர், ஆசிரியைகள் வாழ்த்து தெரிவித்து பாராட்டினர்.
