ராமநாதபுரம் சுகம் வைத்திய சாலையில் இலவச சித்த மருத்துவ ஆலோசனை முகாம்

ராமநாதபுரம், ஆகஸ்ட் 3 –

ராமநாதபுரம் பட்டணம்காத்தான் சுகம் வைத்திய சாலையில் இலவச ஆயுர்வேத சித்த மருத்துவ ஆலோசனை முகாம் நடைபெற்றது. ராமநாதபுரம் சுகம் வைத்திய சாலையில் முதுகு தண்டுவட நகர்வினால் ஏற்படும் வலிகள் உடல் எடை அதிகரிப்பதால் ஏற்படும் இடுப்பு கால் மூட்டு கணுக்கால் வலிகள், பெண்களுக்கு மாதவிடாய் நிற்கும் காலங்கள் உடலில் ஏற்படும் மாற்றத்தினால் ஏற்படும் வலிகள் உள்ளிட்ட அனைத்திற்கும் யோகா மற்றும் தெரபி மூலம் தீர்வளிப்பது குறித்த ஆயுர்வேத சித்த மருத்துவ ஆலோசனை வழங்கப்பட்டது.

பிரபல ஆயுர்வேத டாக்டர் காளிமுத்து தலைமையில் டாக்டர்கள் பொன்னம்மாள், சிந்து, விஷ்வா ஜோசி, பாலா அட்சயா உள்ளிட்ட ஆயுர்வேத மருத்துவக் குழுவினர் முகாமில் இலவச சிகிச்சை வழங்கி நாள்பட்ட வலிகளுக்கு எவ்வாறு தீர்வு காண்பது என்று விளக்கம் அளித்து அதற்கு எப்படி மருத்துவ சிகிச்சை எடுத்துக் கொள்ள வேண்டும் என்பது குறித்து தகுந்த ஆலோசனைகள் வழங்கினர். இந்த சிறப்பு முகாமில் 125 பேர் பங்கேற்று உரிய ஆலோசனை பெற்றுச்சென்றனர். மேலும் முகாமை முன்னிட்டு உயர்தர மருந்துகள் மாத்திரைகள் தள்ளுபடி கட்டணத்தில் வழங்கப்பட்டது.