கிருஷ்ணகிரி அக் : 10
கிருஷ்ணகிரியில் கம்பன் கழகம் சார்பில் நடைபெற்ற 11-ம் ஆண்டு கம்பன் விழாவை மாவட்ட ஆட்சியர் தினேஷ் குமார், சட்டமன்ற உறுப்பினர் முகுந்தன் ஆகியோர் குத்துவிளக்கேற்றி தொடங்கி வைத்தனர்.
விழாவில் பல்வேறு துறைகளில் சிறந்து விளங்கியவர்களுக்கு விருதுகளும், கலைப் போட்டிகளில் வெற்றி பெற்ற மாணவ, மாணவியருக்குச் சான்றிதழ்கள் மற்றும் நினைவுப் பரிசுகளும் வழங்கப்பட்டன.
நிகழ்ச்சியில் பேசிய மாவட்ட ஆட்சியர், வடமொழியில் இருந்த வால்மீகி ராமாயணத்தைத் தமிழ் மரபுக்கும் பண்பாட்டுக்கும் ஏற்ப மறுபடைப்புச் செய்து, தமிழ் மொழியின் பெருமையை உலகறியச் செய்தவர் கம்பர் என்று புகழாரம் சூட்டினார்.
